Monday, September 14, 2015

પુરુષ એટલે શું? By Kajal Oza Vaidya


પુરુષો વિશે પુરુષો દ્વારા ઘણું લખાયુ છે. પણ જ્યારે એક સ્ત્રી પુરુષ વિશે લખે ત્યારે તે વાસ્તવિકતાની વધુ નજીક હોય છે.

પુરુષ એટલે શું ?
-પુરુષ એટલે પત્થરમાં પાંગરેલી કૂંપળ.
-પુરુષ એટલે વજ્ર જેવી છાતી પાછળ ધબકતું કોમળ હૈયુ.
-પુરુષ એટલે ટહુકાને ઝંખતુ વૃક્ષ.
-પુરુષ એટલે તલવારની મૂઠ પર કોતરેલું ફુલ.
-પુરુષ એટલે રફટફ બાઇકમાં ઝૂલતું હાર્ટશેપનું કીચેઇન.
-પુરુષ એટલે બંદુકનાં નાળચામાંથી છૂટતુ મોરપિંછું.

પુરુષ એ નથી જે ફિલ્મો કે ટી.વી.માં જોવા મળે છે; પુરુષ એ છે જે રોજબરોજની ઘટમાળમાંથી આંખ સામે ઉપસી આવે છે.

પુરુષ એમ કહે કે 'આજે મૂડ નથી, મગજ ઠેકાણે નથી' પણ એમ ના કહે કે 'આજે મન ઉદાસ છે.'
સ્ત્રી સાથે ઘણી વાતો શેર કરી શકતો પુરુષ પોતાના દર્દ શેર નથી કરી શકતો.

સ્ત્રી પુરુષનાં ખભા પર માથું ઢાળી રડે છે. જ્યારે પુરુષ સ્ત્રીનાં ખોળામાં માથુ છૂપાવી રડે છે.

જેમ દુનિયાભર ની સ્ત્રીઓને પોતાના પુરુષનાં શર્ટમાં બટન ટાંકવામાં રોમાંચ થાય છે એ જ વખતે એ સ્ત્રીને ગળે લગાડી લેવાનો રોમાંચ પુરુષોને પણ થતો હોય છે.

હજારો કામકાજથી ઘેરાયેલી સ્ત્રી જ્યારે પુરુષને વાળમાં હાથ ફેરવી જગાડે છે ત્યારે પુરુષનો દિવસ સુધરી જાય છે.

જીતવા માટે જ જન્મેલો પુરુષ પ્રેમ પાસે હારી જાય છે અને જ્યારે એ જ પ્રેમ એને છોડી જાય ત્યારે તે મૂળ સોતો ઉખડી જાય છે.

સ્ત્રી સાથે સમજણથી છૂટો પડતો પુરુષ તેનો મિત્ર બનીને રહી શકે પણ...બેવફાઇથી ત્યજાયેલો પુરુષ કચકચાવીને દુશ્મની નિભાવે છે.

ધંધામા કરોડોની નુકશાની ખમી જાતો પુરુષ ભાગીદારનો દગો ખમી નથી શકતો.

સમર્પણ એ સ્ત્રીનો અને સ્વીકાર એ પુરુષનો સ્વભાવ છે પણ પુરુષ જેને સમર્પિત થાય એનો સાત જન્મ સુધી સાથ છોડતો નથી.

પુરુષ માટે પ્રેમનાં સુંવાળા માર્ગ પર લપસી જવું એ એક થ્રીલ છે અને સહજ પણ છે; પરંતુ એની જ સ્ત્રી માટે તે બ્લેકઝોન છે જ્યાંથી પાછી ફરેલી સ્ત્રીને એ ચાહી શકતો નથી.
પરણવું અને પ્રેમ કરવો એ સ્ત્રી માટે એક વાત હોઇ શકે, પુરુષ માટે નહી.

એક જ પથારીમાં અડોઅડ સૂતા બે શરિરો વચ્ચેની અદ્ર્શ્ય દિવાલ નીચે પુરુષ ગુંગળાતો રહે છે પણ ફરિયાદ કરતો નથી.

પુરુષને સમાધાન ગમે છે, પણ જો એ સામે પક્ષેથી થતુ હોય તો.

ગમેતેવો જૂઠો, લબાડ ,ચોર, લંપટ, દગાખોર પુરુષ પણ પોતાના પરિવાર સાથે સરળ સદગૃહસ્થ જ હોય છે.
સ્ત્રીનું રુદન ફેસબૂકની દિવાલને ભિંજવતું હોય છે પણ પુરુષનું રુદન એનાં ઓશિકાની કોરને પણ પલાળતુ નથી..!!

કહેવાય છે કે 'સ્ત્રીને ચાહતા રહો સમજવાની જરુર નથી'; હું કહુ છુ પુરુષને બસ.. સમજી લો.. આપોઆપ ચાહવા લાગશો.

Source : Haresh Pandya

4 comments:

Sohil said...

Waah ! Each man will relate with this.

Rohan Nayani said...

Great!

Mrs Sharon Sim said...

Hello Everybody,
My name is Mrs Sharon Sim. I live in Singapore and i am a happy woman today? and i told my self that any lender that rescue my family from our poor situation, i will refer any person that is looking for loan to him, he gave me happiness to me and my family, i was in need of a loan of S$250,000.00 to start my life all over as i am a single mother with 3 kids I met this honest and GOD fearing man loan lender that help me with a loan of S$250,000.00 SG. Dollar, he is a GOD fearing man, if you are in need of loan and you will pay back the loan please contact him tell him that is Mrs Sharon, that refer you to him. contact Dr Purva Pius,via email:(urgentloan22@gmail.com) Thank you.

Anand shukla said...

fabulous